ബഹ്‌റൈന്‍ കേരളീയ സമാജം ഓണസദ്യ വെള്ളിയാഴ്ച രാത്രി ഏഴരക്ക് ആരംഭിക്കും. 2500 ഓളം പേരെ സദ്യക്ക് പ്രതീക്ഷിക്കുന്നതായി സംഘാടകര്‍ അറിയിച്ചു. ഇന്ത്യന്‍ അംബാസഡര്‍ ഡോ. ജോര്‍ജ് ജോസഫ് മുഖ്യാതിഥിയായിരിക്കും. വ്യവസായി ഡോ. രവി പിള്ളയാണ് ഇത്തവണയും സമാജം ഓണസദ്യയുടെ ചിലവ് വഹിക്കുന്നത്. കേരളത്തില്‍ നിന്നെത്തിയ രണ്ട് പാചകവിദഗ്ധരാണ് സദ്യ ഒരുക്കങ്ങള്‍ക്ക് നേതൃത്വം നല്കുന്നത്. അഞ്ച് വാര്‍പ്പുകളാണ് ഇത്തവണ കേരളത്തില്‍ നിന്ന് കൊണ്ടുവന്നിരിക്കുന്നതെന്ന് സദ്യയുടെ ജനറല്‍ കണ്‍വീനര്‍ മധു മാധവന്‍ അറിയിച്ചു. എം.പി. രഘു, ജനാര്‍ദനന്‍, എ.കെ. ബാലന്‍, ബാബു സുരേഷ് എന്നിവരുടെ നേതൃത്വത്തിലുള്ള കമ്മിറ്റിയാണ് നേതൃത്വം നല്കുന്നത്. സമാജാംഗങ്ങള്‍ക്ക് ഒരു ദിനാറും അതിഥികള്‍ക്ക് രണ്ട് ദിനാറുമാണ് സദ്യക്കുള്ള കൂപ്പണുകളുടെ വില. വിവരങ്ങള്‍ക്ക് 39810554 എന്ന നമ്പറില്‍ ജയന്‍ എസ്. നായരെ ബന്ധപ്പെടണം.
Thursday, September 2, 2010
Subscribe to:
Post Comments (Atom)
No comments:
Post a Comment