സംവിധായകൻ ബേസിൽ ജോസഫുമായി മുഖാമുഖം

ബഹറിൻ കേരളീയ സമാജം സിനിമ ക്ലബ്ബിന്റെ ആഭിമുഖ്യത്തില്‍ പുതുമുഖ സംവിധായകൻ ബേസിൽ ജോസഫുമായി മുഖാമുഖം പരിപാടി സംഘടിപ്പിക്കുന്നു .കുഞ്ഞി രാമായണത്തിലൂടെ സ്വതത്ര സംവിധായകനായി വെള്ളിത്തിരയിൽ എത്തിയ യുവ സംവിധായകനാണ് ബേസിൽ ജോസഫ്‌ . തിരുവനതപുരം സി.ഇ.റ്റി. യിലെ എഞ്ചിനീയറിംഗ് പഠനകാലത്താണ് ബേസിൽ തൻറെ സിനിമയിലേയ്ക്കുള്ള യാത്ര ആരംഭിക്കുന്നത് .

ആള്, പ്രിയംവദ കാതരയാണോ, ഒരു തുണ്ട് പടം എന്നീ ഷോര്‍ട്ട് ഫിലിമുകളുടെ സംവിധായകൻ എന്ന നിലയിൽ നേരത്തെ പ്രശസ്തനാണ് . സിനിമാസംവിധാന രംഗത്ത് പ്രവർത്തിക്കുവാൻ ആഗ്രഹിക്കുന്ന ചെറുപ്പക്കാർക്ക് തീർച്ചയായും പ്രചോദനമായിരിക്കും ബേസിൽ ജോസഫുമായുള്ള സംവാദം.
ഏപ്രിൽ 23 ശനിയാഴ്ച വൈകുന്നേരം 7 മണിക്ക് ബി കെ എസ് രാമചന്ദ്രൻ ഹാളിൽ സംഘടിപ്പിക്കുന്ന മുഖാമുഖം പരിപാടിയിലേക്ക് എല്ലാ സിനിമാസ്നേഹികളെയും ക്ഷണിക്കുന്നതായി സമാജം ആക്ടിംഗ് പ്രസിഡന്റ്‌ ഫ്രാന്‍സിസ് കൈതാരത്ത് , സമാജം ജനറല്‍സെക്രട്ടറി വീരമണി എന്നിവര്‍ അറിയിച്ചു . .
കൂടുതൽ വിവരങ്ങൾക്ക് ബന്ധപ്പെടുക : ബി കെ എസ കലാവിഭാഗം സെക്രട്ടറി മനോഹരൻ പാവറട്ടി 39848091 , ബി കെ എസ സിനിമ ക്ലബ് കൺവീനര് അജിത്‌ നായർ 39887068.