കുട്ടികൾക്കായി ഏക ദിന സാഹിത്യ ക്യാമ്പ്‌ സംഘടിപ്പിക്കുന്നു

ബഹ്‌റൈൻ കേരളീയ സമാജം സാഹിത്യ വിഭാഗത്തിന്റെ ആഭിമുഖ്യത്തിൽ കുട്ടികൾക്കായി ഏക ദിന സാഹിത്യ ക്യാമ്പ്‌ സംഘടിപ്പിക്കുന്നു . ഓഗസ്റ്റ്‌ 7 തിയ്യതി രാവിലെ 9.00 മണി മുതൽ വൈകുന്നേരം 5.00 മണി വരെയാണ് ക്യാമ്പ്‌ എഴാം തരം മുതൽ പ്ലസ്‌ ടു വരെയുള്ള വിദ്യാർഥികളെ ഉദ്ദേശിച്ചാണ് ക്യാമ്പ് സംഘടിപ്പിക്കുന്നത്. കഥ,കവിത രചനയുമായി ബന്ധപെട്ട പരിശീലന പരിപാടികൾ, വായനയും ആസ്വാദനവും, വിവിധ സാഹിത്യ രൂപങ്ങ എന്നിവ യോടൊപ്പം കുട്ടികൾക്ക് സ്വന്തം രചനകൾ അവതരിപ്പിക്കുവാനും ചര്ച്ച ചെയാനുമുള്ള അവസരങ്ങൾ ഉണ്ടായിരിക്കും. കുട്ടികള്ക്കായി നിരവധി സാഹിത്യ ക്യാമ്പുകൾ ഒരുക്കിയിട്ടുള്ള ഉദയൻ കുണ്ടംകുഴി ക്യാമ്പിൽ മുഖ്യാതിഥി യായിരിക്കും. ഒപ്പം ബഹറിനിലെ പ്രമുഖ എഴുത്തുകാരുമായി സംവദിക്കുവാനുള്ള അവസരവും ക്യാമ്പിന്റെ ഭാഗമായി ഒരുക്കിയിട്ടുണ്ട് ..സമാജം അംഗങ്ങൾ അല്ലാത്തവരുടെ കുട്ടികൾക്കും പങ്കെടുക്കാവുന്നതാണ് . പങ്കെടുക്കാൻ ഉദ്ദേശിക്കുന്നവർ പേര് രജിസ്ട്രർ ചെയ്യുന്നതിനായി സാഹിത്യ വിഭാഗം സെക്രട്ടറി വിപിൻ: 39964087, ക്യാമ്പ്‌ കോർഡിനേറ്റർ ഷബിനി വാസുദേവ് 39463471 എന്നിവരെ സമീപിക്കാവുന്നതാണ്.