ചലച്ചിത്ര, ഫൊട്ടോഗ്രഫി ക്ലബുകള്‍ക്ക് തുടക്കമായി

ബഹ്റൈന്‍ കേരളീയ സമാജം ചലച്ചിത്ര-ഫൊട്ടോഗ്രഫി ക്ലബുകളുടെ ഈ വര്‍ഷത്തെ പ്രവര്‍ത്തനം സംവിധായകന്‍ എം.പി.സുകുമാരന്‍ നായര്‍ ഉദ്ഘാടനം ചെയ്തു. സമാജം പ്രസിഡന്റ് പി.വി. രാധക്യഷ്ണപിള്ള അധ്യക്ഷത വഹിച്ചു. സെക്രട്ടറി ആഷ്ലി ജോര്‍ജ്, എന്റര്‍ടെയിന്‍മെന്റ് സെക്രട്ടറി മനോഹരന്‍ പാവറട്ടി, ക്ലബ് കണ്‍വീനര്‍മാരായ കെ.ഡി. മാത്യൂസ്, ഹരീഷ് മേനോന്‍ എന്നിവര്‍ പ്രസംഗിച്ചു. 200 ഫോട്ടോകളുടെ പ്രദര്‍ശനം നടന്നു. റിഥമിക് ഡാന്‍സ് ഗ്രൂപ്പ് അവതരിപ്പിച്ച അറബിക് ന്യത്തവും ബഹ്റൈന്‍ നര്‍ത്തകനായ ഖലീല്‍ അല്‍ അരാശ് അവതരിപ്പിച്ച കഥകും അരങ്ങേറി. ബഹ്റൈന്‍ സ്വദേശി ദീര്‍ഘനാളത്തെ പരിശീലനത്തോടെ ഒരു ഭാരതീയ ന്യത്ത രൂപം ശാസ്ത്രീയപരമായി അവതരിപ്പിച്ചത് കാണികളെ വിസ്മയിപ്പിച്ചു. എം.പി. സുകുമാരന്‍ നായരുമായി മുഖാമുഖവും അദ്ദേഹത്തിന്റെ പ്രശസ്ത ചിത്രമായ രാമാനത്തിന്റെ പ്രദര്‍ശനവും നടത്തി.