ബഹ്റൈന്‍ കേരളീയ സമാജം ഓഗസ്റ്റ് അവസാനവാരം സംഘടിപ്പിക്കുന്ന 10 ദിവസം നീണ്ടുനില്‍ക്കുന്ന വൈവിധ്യമാര്‍ന്ന ഓണാഘോഷ പരിപാടികളായ ’പൂവിളി 2012നുള്ള പ്രവര്‍ത്തനങ്ങള്‍ ആരംഭിച്ചു. ജില്ലകള്‍, വിവിധ പ്രദേശങ്ങള്‍ എന്നിവ അടിസ്ഥാനമാക്കി വിവിധ കൂട്ടായ്മകളുടെ നേതൃത്വത്തില്‍ ആയിരിക്കും ഓരോ ദിവസത്തെ പരിപാടികള്‍ നടക്കുകയെന്ന് ഭാരവാഹികള്‍ അറിയിച്ചു.
സെപ്റ്റംബര്‍ ഏഴിന് നടക്കുന്ന ഓണസദ്യ ഒരുക്കുന്നതിന് ഈ വര്‍ഷവും സംസ്ഥാന യുവജനോത്സവങ്ങള്‍ക്ക് സദ്യയൊരുക്കി പ്രശസ്തനായ പഴയിടം മോഹനന്‍ നമ്പൂതിരിയാണ് എത്തുന്നത്. ഓണാഘോഷങ്ങളുടെ ഭാഗമായി അത്തപ്പൂക്കളം, ഘോഷയാത്ര, തിരുവാതിര, പായസമേള എന്നീ ഇനങ്ങളിലാണ് പ്രധാനമായും മത്സരങ്ങള്‍.
സമാജം അംഗങ്ങളല്ലാത്തവര്‍ക്കും ടീമുകള്‍ക്കും ഈ മത്സരങ്ങളില്‍
പങ്കെടുക്കാവുന്നതാണ്. താല്‍പ്പര്യമുള്ളവര്‍ മുന്‍ കൂട്ടി പേര്
റജിസ്റ്റര്‍ ചെയîണം. ബാല ഭാസ്കറും സംഘവും അവതരിപ്പിക്കുന്ന സംഗീത ഫ്യൂഷന്‍, റിമി ടോമി, പ്രദീപ് ബാബു എന്നിവര്‍ നയിക്കുന്ന ഗാനമേള, എം.ജി. ശ്രീകുമാര്‍, സിസിലി, ശ്രീനാഥ് എന്നിവര്‍ അവതരിപ്പിക്കുന്ന ഗാനമേള, കോമഡി ഷോകള്‍, മാജിക് അമ്മു അവതരിപ്പിക്കുന്ന മാജിക് ഷോ എന്നിവ ഈ വര്‍ഷത്തെ മുഖ്യ ആകര്‍ഷണമായിരിക്കും. ഇതോടൊപ്പം സമാജത്തിലെ വിവിധ ഉപവിഭാഗങ്ങള്‍ അവതരിപ്പിക്കുന്ന പരിപാടികള്‍, വിവിധ നൃത്ത, നാടക സംഗീത പരിപാടികള്‍, ഫാഷന്‍ ഷോ എന്നിവയും സംഘടിപ്പിച്ചിരിക്കുന്നു.
åഡി. സലീമാണ് സംഘാടക സമിതി ജനറല്‍ കണ്‍വീനര്‍, ബിനോജ് മാത്യു, ഹരീഷ് മേനോന്‍, സുനില്‍ എസ്. പിള്ള, ബിജി ശിവകുമാര്‍ എന്നിവര്‍ ജോയിന്റ് കണ്‍വീനര്‍മാരാണ്. വിവിധ മത്സരങ്ങളില്‍ പങ്കെടുക്കാന്‍ ആഗ്രഹിക്കുന്നവര്‍, ഘോഷയാത്ര മത്സരം (ബിനോജ് മാത്യൂ 36665376), അത്തപ്പൂക്കളം (ബിജു എം.സതീഷ് 36045442), തിരുവാതിര (എ. കണ്ണന്‍ 36635473), പായസ മേള(മോഹന പ്രസാദ് 39175977), സമാജം ഘോഷയാത്ര (ശിവകുമാര്‍ കൊല്ലറോത്ത് 36044417)
എന്നിവരുമായി ബന്ധപ്പെടാവുന്നതാണ്.
പരിപാടികളുടെ കോ-ഓര്‍ഡിനേറ്റര്‍ കലാവിഭാഗം സെക്രട്ടറി മനോഹരന്‍ പാവര്‍ട്ടിയും ഓണസദ്യ കണ്‍വീനര്‍ എന്‍.കെ. മാത്യുവുമാണ്. ബഹ്റൈന്‍ പ്രവാസി മലയാളികളുടെ ചരിത്രത്തിലെ നിര്‍ണായക സംഭവമായിരിക്കും ’പൂവിളി 2012 എന്ന് സമാജം പ്രസിഡന്റ് പി.വി. രാധാക്യഷ്ണപിള്ളയും ജനറല്‍ സെക്രട്ടറി ആഷ്ലി ജോര്‍ജും പറഞ്ഞു.
No comments:
Post a Comment