ബഹ്റൈന്‍ കേരളീയ സമാജം സ്കൂള്‍ ഓഫ് ഡ്രാമയുടെ ഈ വര്‍ഷത്തെ പ്രവര്‍ത്തനോദ്ഘാടനം ഇന്നു വൈകിട്ട് എട്ടിന് സമാജം ഡയമണ്ട് ജൂബിലി ഓഡിറ്റോറിയത്തില്‍ നടക്കും. നാടക സംവിധായകനും സംഗീത നാടക അക്കാദമി അവാര്‍ഡ് ജേതാവുമായ മനോജ് നാരായണന്‍ ഉദ്ഘാടനം നിര്‍വഹിക്കും. പ്രസിഡന്റ് പി.വി. രാധാക്യഷ്ണപിള്ള അധ്യക്ഷത വഹിക്കും. ജനപ്രിയ നാടക ഗാനങ്ങള്‍ കോര്‍ത്തിണക്കി സമാജം കലാകാരന്മാര്‍ അവതരിപ്പിക്കുന്ന ലഘു ഗാനമേള, ’ചോരണ കൂര എന്ന നാടകം എന്നിവ അരങ്ങേറും. ബി.കെ.എസ് സ്കൂള്‍ ഓഫ് ഡ്രാമ ലോഗോയുടെ അനാവരണവും നടക്കും. ഈ വര്‍ഷം വിപുലമായ പരിപാടികളാണ് സ്കൂള്‍ ഓഫ് ഡ്രാമ ആസൂത്രണം ചെയ്തിരിക്കുന്നതെന്ന് സമാജം ഭാരവാഹികള്‍ അറിയിച്ചു.
കുട്ടികള്‍ക്കും മുതിര്‍ന്നവര്‍ക്കുമായുള്ള നാടക പരിശീലന ശില്‍പശാലയ്ക്ക് മനോജ് നാരായണന്‍ നേത്യത്വം നല്‍കും. കേരള സംഗീത നാടക അക്കാദമിയുമായി åസഹകരിച്ച് നാടക രചന, സംവിധാനം, പ്രകാശ ശബ്ദ രംഗ നിയന്ത്രണം തുടങ്ങി നാടകത്തിന്റെ പ്രധാന മേഖലകളില്‍ പരിശീലനം, സമകാലീന വിഷയങ്ങളെ നാടക രൂപത്തില്‍ അവതരിപ്പിക്കുന്നതിനുള്ള പരിശീലനം നല്‍കുന്നതിനോടൊപ്പം നവീന അരങ്ങിന്റെ സാധ്യതകളെ പരിചയപ്പെടുത്തുന്ന ശില്‍പശാല എന്നിവയാണ് ഈ വര്‍ഷത്തെ പ്രവര്‍ത്തനങ്ങളില്‍ ലക്ഷ്യമിട്ടിരിക്കുന്നതെന്ന് സമാജം പ്രസിഡന്റ്
പി.വി. രാധാക്യഷ്ണപിള്ള പറഞ്ഞു.
സമകാലിക ദാമ്പത്യ ബന്ധങ്ങളിലെ താളപ്പിഴകളിലേക്കും പ്രശ്നങ്ങളിലേക്കും എത്തിനോക്കുന്ന നാടകമാണ് ’ചോരണ കൂര. ജയപ്രകാശ് കുളൂര്‍ രചിച്ച നാടകം ദിനേഷ് കുറ്റിയിലാണ് സംവിധാനം ചെയîുന്നത്. ദിനേഷ് മാവൂര്‍ രംഗപടവും ഉണ്ണി ചെമ്മരത്തൂര്‍ പ്രകാശ നിയന്ത്രണവും ഹ്യഷികേഷ് ശിവ സംഗീത നിയന്ത്രണവും നിര്‍വഹിക്കുന്നു. രാജീവ് വെള്ളിക്കോത്ത്, ഹ്യദ്യ സുരേഷ് എന്നിവര്‍ ഗാനങ്ങള്‍ ആലപിക്കുന്നു. കേന്ദ്രകഥാപാത്രങ്ങളെ അവതരിപ്പിക്കുന്നത് ദിനേഷ് കുറ്റിയിലും ശ്രീക്കുട്ടി രമേഷുമാണ്. വിവരങ്ങള്‍ക്ക്: മനോഹരന്‍(39848091), ശിവകുമാര്‍ (6044417).
Friday, July 20, 2012
Subscribe to:
Post Comments (Atom)
No comments:
Post a Comment