ബികെഎസ് നാടകമല്‍സരം: സമ്മാനങ്ങള്‍ നല്‍കി

ബഹ്റൈന്‍ കേരളീയ സമാജം സ്കൂള്‍ ഒാഫ് ഡ്രാമയുടെ നരേന്ദ്രപ്രസാദ് അനുസ്മരണ നാടകമല്‍സരത്തില്‍ മികച്ച അവതരണത്തിനുള്ള പുരസ്കാരം ലൈഫ്ലൈന്‍ ഡോക്യുമെന്റ്സിന്റെ ’കള്ളനും പൊലീസിനും. പി.വി. സുരേഷ് ആണു മികച്ച സംവിധായകന്‍; നാടകം ’ജിംകൊ ബിലോബ. ’കള്ളനും പൊലീസും നാടകത്തിലെ മികച്ച പ്രകടനത്തിലൂടെ ഷാജഹാന്‍ പത്തനാപുരവും ജയ ഉണ്ണികൃഷ്ണനും മികച്ച നടനും നടിയുമായി. മികച്ച രചനയ്ക്കുള്ള പുരസ്കാരം ദാമു കോറോത്തിനാണ് (ക്രിസലിസ്).

മറ്റു പുരസ്കാരങ്ങള്‍: മികച്ച രണ്ടാമത്തെ അവതരണം: വി.എ. ബാലകൃഷ്ണന്‍ (ജിംകൊ ബിലോബ), മികച്ച രണ്ടാമത്തെ സംവിധായകന്‍: എസ്.ആര്‍. ഖാന്‍ (കള്ളനും പൊലീസും), മികച്ച രണ്ടാമത്തെ നടന്‍: ശിവകുമാര്‍ കൊല്ലറോത് (കള്ളനും പൊലീസും), മികച്ച രണ്ടാമത്തെ നടി: ഉമ ഗണേഷ് (ക്രിസലിസ്), ബാലതാരം: ഗൌരി അനില്‍ (ക്രിസലിസ്), ചമയം: ഷിജു (ജിംകൊ ബിലോബ), പശ്ചാത്തല സംഗീതം: ശശിധരന്‍ (ജിംകൊ ബിലോബ), പ്രകാശനിയന്ത്രണം: മണികണ്ഠന്‍ (ജിംകൊ ബിലോബ).

സമ്മാനദാനം സമാജം പ്രസിഡന്റ് പി.വി. രാധാകൃഷ്ണപിള്ള, ആക്ടിങ് ജനറല്‍ സെക്രട്ടറി സന്തോഷ് ബാബു, ഗോപാലകൃഷ്ണന്‍, ജയ മേനോന്‍, കലാവിഭാഗം സെക്രട്ടറി മനോഹരന്‍ പാവറട്ടി, വിനോദ് കണ്ണൂര്‍, സ്കൂള്‍ ഒാഫ് ഡ്രാമ കണ്‍വീനര്‍ മോഹന്‍രാജ് തുടങ്ങിയവര്‍ ചേര്‍ന്നു നിര്‍വഹിച്ചു. പി.ആര്‍. ജിജോയി സംവിധാനം ചെയ്ത മൂന്നു ലഘുനാടകങ്ങളുടെ ഡിവിഡി പ്രകാശനം സമാപന സമ്മേളനത്തില്‍ പ്രകാശ് വടകര നിര്‍വഹിച്ചു.