കവികളുടെ ഏകദിന കൂട്ടായ്മ

ബഹ്‌റൈന്‍ കേരളീയ സമാജം കേരളാ സാഹിത്യ അക്കാദമിയുമായി സഹകരിച്ചു നടത്തുന്ന ജി സി സി തല സാഹിത്യ ക്യാമ്പിനു മുന്നോടിയായി കവികളുടെ ഏകദിന കൂട്ടായ്മ സംഘടിപ്പിക്കുന്നു. നവംബര്‍ മുപ്പതു വെള്ളിയാഴ്ചയാണ് കാവ്യാമൃതം എന്ന് പേരിട്ടിരിക്കുന്ന ഈ പരിപാടി സംഘടിപ്പിക്കുന്നത് കവികളും കവിത തല്പരരുമായ ആര്‍കും പരിപാടിയില്‍ പങ്കെടുക്കാം. പങ്കെടുക്കുന്നവര്‍ക്ക് സ്വന്തം കവിതകള്‍ അവതരിപ്പിക്കാന്‍ അവസരം ലഭിക്കും. അതോടൊപ്പം കവിതകളുടെ വിലയിരുത്തലുകള്‍, വായനാനുഭവം പങ്കു വെക്കല്‍ തുടങ്ങിയ നിരവധി പരിപാടികള്‍ കാവ്യാമൃതത്തില്‍ അരങ്ങേറും . രാവിലെ പത്ത് മണിമുതല്‍ വൈകീട്ട് അഞ്ചു മണി വരെ ആണ് പരിപാടി. കാവ്യാമൃതം പരിപാടിയെ സംബന്ധിച്ചുള്ള കൂടുതല്‍ വിവരങ്ങള്‍ക്കും രജിസ്ട്രേഷനും സമാജം സാഹിത്യ വിഭാഗം സെക്രട്ടറി മുരളീധര്‍ തമ്പാന്‍ (38381900) ഫിറോസ്‌ തിരുവത്ര(39186439) എന്നിവരുമായി ബന്ധപ്പെടുക . മൂന്നാമത് ജി സി സി സാഹിത്യക്യാമ്പ് ഡിസംബര്‍ 16,17 തീയതികളിലാണ് നടക്കുന്നത്. ക്യാമ്പിന്റെ രജിസ്ട്രേഷന്‍ ആരംഭിച്ചു കഴിഞ്ഞു. കേരളത്തില്‍ നിന്നുള്ള പ്രമുഖ സാഹിത്യകാരന്മാര്‍ ക്യാമ്പ് നയിക്കും. സാഹിത്യ രചന, ആസ്വാദനം, വായന എന്നീ വിവിധ തലങ്ങളില്‍ ഗൌരവമായ ചര്‍ച്ചകളും സംവാദങ്ങളും പഠനക്ലാസുകളും രണ്ടു ദിവസത്തെ ക്യാമ്പില്‍ അരങ്ങേറും. കവിത, ചെറുകഥ എന്നിവക്കാണ് ഈ വര്‍ഷത്തെ ക്യാമ്പില്‍ കൂടുതല്‍ മുന്ഗണ നല്‍കുന്നത്. .