ബികെഎസ് ’കാവ്യാമ്യതം'

ബഹ്റൈന്‍ കേരളീയ സമാജം കേരളാ സാഹിത്യ അക്കാദമിയുമായി സഹകരിച്ചു നടത്തുന്ന ജിസിസി സാഹിത്യ ക്യാംപിനു മുന്നോടിയായി കവികളുടെ കൂട്ടായ്മ സംഘടിപ്പിക്കുന്നു. വെള്ളിയാഴ്ച രാവിലെ 10 മുതല്‍ വൈകിട്ട് അഞ്ചു വരെയാണു ‘കാവ്യാമൃതം” പരിപാടി. പരിപാടിയില്‍ സ്വന്തം കവിതകള്‍ അവതരിപ്പിക്കാം. കവിതകളുടെ വിലയിരുത്തല്‍, വായനാനുഭവം പങ്കുവയ്ക്കല്‍ തുടങ്ങിയവയുമുണ്ട്. ‘കാവ്യാമൃതം” പരിപാടി സംബന്ധിച്ചു കൂടുതല്‍ വിവരങ്ങള്‍ക്കും റജിസ്ട്രേഷനും സമാജം സാഹിത്യ വിഭാഗം സെക്രട്ടറി മുരളീധര്‍ തമ്പാന്‍ (38381900), ഫിറോസ് തിരുവത്ര (39186439) എന്നിവരുമായി ബന്ധപ്പെടണം.അടുത്തമാസം 16, 17 തീയതികളില്‍ നടക്കുന്ന ജിസിസി സാഹിത്യ ക്യാംപിനു റജിസ്ട്രേഷന്‍ ആരംഭിച്ചു.å കേരളത്തില്‍ നിന്നുള്ള പ്രമുഖ സാഹിത്യകാരന്മാരാണു ക്യാംപിനു നേത്യത്വം നല്‍കുന്നത്. സാഹിത്യ രചന, ആസ്വാദനം, വായന എന്നീ തലങ്ങളില്‍ ഗൌരവമായ ചര്‍ച്ചകളും സംവാദങ്ങളും പഠനക്ലാസുകളും നടക്കൂം. കവിത, ചെറുകഥ എന്നിവയ്ക്കാണ് ഈ വര്‍ഷത്തെ ക്യാംപില്‍ കൂടുതല്‍ മുന്‍ഗണന നല്‍കുന്നത്.