Saturday, December 29, 2012
ബികെഎസ് സാഹിത്യ പുരസ്കാരം ടി. പത്മനാഭന് സമ്മാനിച്ചു
ബഹ്റൈന് കേരളീയ സമാജത്തിന്റെ സാഹിത്യ പുരസ്കാരം (50001 രൂപ) കഥാകൃത്ത് ടി. പത്മനാഭനു മന്ത്രി കെ.സി. ജോസഫ് സമ്മാനിച്ചു. അവാര്ഡുകളുടെ പുറകേ സഞ്ചരിക്കാത്ത കഥാകാരനാണു പത്മനാഭനെന്നു മന്ത്രി പറഞ്ഞു. വേറിട്ട പാതയിലൂടെയായിരുന്നു എന്നും അദ്ദേഹത്തിന്റെ സഞ്ചാരം. സാഹിത്യ രംഗത്തു കേരളീയ സമാജം പോലുള്ള സംഘടനകളുടെ സാന്നിധ്യവും പ്രവര്ത്തനങ്ങളും അഭിനന്ദനാര്ഹമാണെന്നും മന്ത്രി പറഞ്ഞു.
ആര്ദ്ര ഭാവന, സൂക്ഷ്മതയുള്ള ഭാഷ, കാവ്യാത്മകത, ആഴമുള്ള മനുഷ്യത്വത്തിന്റെ ഭാവാന്തരങ്ങളെന്നിവ പത്മനാഭന്റെ പ്രത്യേകതകളാണെന്നു ജൂറി ചെയര്മാന് ഡോ. കെ.എസ്. രവികുമാര് ചൂണ്ടിക്കാട്ടി. ചടങ്ങില് ഇന്ത്യന് സ്ഥാനപതി ഡോ. മോഹന്കുമാര് മുഖ്യാതിഥിയായിരുന്നു. സമാജം പ്രസിഡന്റ് പി.വി. രാധാകൃഷ്ണപിള്ള അധ്യക്ഷത വഹിച്ചു. പി.കെ. പാറക്കടവ്, കെ.ജി. ശങ്കരപ്പിള്ള, ബെന്യാമിന്, ആഷ്ലി ജോര്ജ് എന്നിവര് പ്രസംഗിച്ചു.
ബികെഎസ് ഓഫിസ് മന്ദിരം ഉദ്ഘാടനം
ബഹ്റൈന് കേരളീയ സമാജത്തിന്റെ വജ്രജൂബിലിയോടനുബന്ധിച്ചു പണിത ഓഫിസ് കെട്ടിടം കേന്ദ്രമന്ത്രി കെ.സി.വേണുഗോപാല് ഉദ്ഘാടനം ചെയ്തു. പ്രവാസികള്ക്കു മാതൃകയായ പ്രവര്ത്തനങ്ങളാണു സമാജം നടത്തുന്നതെന്ന് അദ്ദേഹം പറഞ്ഞു. ഇന്ത്യന് സ്ഥാനപതി ഡോ.മോഹന്കുമാര് വിശിഷ്ടാതിഥിയായിരുന്നു. ഡോ. രവി പിള്ള, അല് നൂര് സ്കൂള് ചെയര്മാന് അലി ഹസന് മുഖ്യാതിഥികളായിരുന്നു. പ്രസിഡന്റ് പി.വി.രാധാകൃഷ്ണ പിള്ള അധ്യക്ഷത വഹിച്ചു. ജനറല് സെക്രട്ടറി ആഷ്ലി ജോര്ജ് പ്രസംഗിച്ചു. മധു ബാലകൃഷ്ണന്, രാജലക്ഷ്മി എന്നിവരുടെ ഗാനമേളയും ഉല്ലാസ് പന്തളത്തിന്റെ കോമഡി ഷോയും ഉണ്ടായിരു
Tuesday, December 25, 2012
കേരളീയ സമാജത്തില് പ്രവാസി ഹെല്പ് ഡെസ്ക് ഒരുക്കും
സേവന പ്രവര്ത്തനം ത്വരിതപ്പെടുത്തുന്നതിന്െറ ഭാഗമായി കേരളീയ സമാജത്തില് 24 മണിക്കൂര് ഹെല്പ്ലൈന് തുടങ്ങുന്നു. വിവിധ സെല്ലുകളായി തിരിച്ചാണ് ഹെല്പ്ലൈന് സംവിധാനം പ്രവര്ത്തിക്കുക. പൊതുവായ ഒരു ടെലിഫോണ് നമ്പര് ഇതിനായി പ്രഖ്യാപിക്കും. പുതിയ കെട്ടിടത്തിലാണ് ഹെല്പ്ലൈന് പ്രവര്ത്തനത്തിന് സൗകര്യപ്പെടുത്തിയിരിക്കുന്നത്. തൊഴില് പ്രശ്നങ്ങള് അഡ്വ. വി.കെ. തോമസിന്െറയും ജീവകാരുണ്യ പ്രവര്ത്തനങ്ങള് കെ. ജനാര്ദ്ദനന്െറയും കൗണ്സലിങ് ബിജി ശിവകുമാറിന്െറയും ജോലി നഷ്ടപ്പെടുന്നവരുടെ പ്രശ്നങ്ങള് സിറാജുദ്ദീന്െറയും നേതൃത്വത്തിലാണ് പരിഹാരം കാണുക. നോര്ക്കയുടെ ക്ഷേമ പദ്ധതികളും ഹെല്പ് ലൈനിലൂടെ ജനങ്ങളിലെത്തിക്കുമെന്ന് ഭാരവാഹികള് കൂട്ടിച്ചേര്ത്തു.
കേരളീയ സമാജം പുതിയ ഓഫീസ് കെട്ടിടം കേന്ദ്ര മന്ത്രി വേണുഗോപാല് ഉദ്ഘാടനം ചെയ്യും
ബഹ്റൈന് കേരളീയ സമാജം പുതിയ ഓഫീസ് ബ്ളോക്ക് ഈമാസം 28ന് വൈകീട്ട് ഏഴിന് കേന്ദ്ര വ്യോമയാന സഹമന്ത്രി കെ.സി. വേണുഗോപാല് ഉദ്ഘാടനം ചെയ്യുമെന്ന് പ്രസിഡന്റ് പി.വി. രാധാകൃഷ്ണപിള്ള വാര്ത്താ സമ്മേളനത്തില് അറിയിച്ചു. കേരള പ്രവാസി മന്ത്രി കെ.സി. ജോസഫ്, ഇന്ത്യന് അംബാസഡര് ഡോ. മോഹന്കുമാര് എന്നിവര് മുഖ്യാതിഥികളായിരിക്കും. പത്മശ്രീ ഡോ. രവിപിള്ള, അല്നൂര് ഇന്റര്നാഷണല് സ്കൂള് ചെയര്മാന് അലി ഹസന് എന്നിവര് ആശംസയര്പ്പിക്കും.
ഉദ്ഘാടനത്തോടനുബന്ധിച്ച് മധു ബാലകൃഷ്ണനും രാജലക്ഷ്മിയും ഒരുക്കുന്ന ഗാനമേളയും ഉല്ലാസ് പന്തളവും സംഘവും അവതരിപ്പിക്കുന്ന കോമഡി ഷോയും അരങ്ങേറും. കലാ പരിപാടികള് വൈകീട്ട് 6.30ന് ആരംഭിക്കും. പ്രവേശനം എല്ലാവര്ക്കും സൗജന്യമാണെന്നും അദ്ദേഹം കൂട്ടിച്ചേര്ത്തു.
രണ്ടര ലക്ഷം ദിനാര് മുടക്കിയാണ് പുതിയ ഓഫീസ് സമുച്ചയം നിര്മാണം പൂര്ത്തിയാക്കിയത്. കെട്ടിട നിര്മാണത്തിന് സംഭാവന നല്കിയ അലി ഹസന് ഉള്പ്പെടെയുള്ളവരെ ചടങ്ങില് ആദരിക്കും. കെട്ടിടത്തിന്െറ താഴത്തെ നിലയില് കാന്റീനും ഒന്നാമത്തെ നിലയില് അഡ്മിനിസ്ട്രേറ്റീവ് ഓഫീസും രണ്ടാമത്തെ നിലയില് ഗസ്റ്റ് ഹൗസും ജീവനക്കാര്ക്ക് താമസിക്കാനുള്ള മുറികളുമാണ് സൗകര്യപ്പെടുത്തിയിരിക്കുന്നത്.
വാര്ത്താ സമ്മേളനത്തില് മനോഹരന് പാവറട്ടി, മുരളീധരന് തമ്പാന്, എ.സി.എ. ബക്കര് എന്നിവരും പങ്കെടുത്തു.
Saturday, December 22, 2012
‘പരാദങ്ങള്’ മികച്ച റേഡിയോ നാടകം; സജി മുകുന്ദ് മികച്ച നടന്, സവിത പത്മനാഭന് നടി
ബഹ്റൈന് കേരളീയ സമാജം സ്കൂള് ഓഫ് ഡ്രാമയും 104.2 യുവര് എഫ്.എമ്മും സഹകരിച്ചു സംഘടിപ്പിച്ച യു.എ.ഇ എക്സ്ചേഞ്ച് ജി.സി.സി റേഡിയോ നാടക മത്സരത്തില് മികച്ച നാടകമായി ‘പരാദങ്ങള്’ തെരഞ്ഞെടുക്കപ്പെട്ടു.
മുസരിസ് അവതരിപ്പിച്ച ‘എന്തിഹ എന് മാനസേ’ മികച്ച രണ്ടാമത്തെ നാടകമായി. സമാജം ഡയമണ്ട് ജൂബിലി ഹാളില് നടന്ന ചടങ്ങില് സമാജം പ്രസിഡന്റ് പി.വി. രാധാകൃഷ്ണ പിള്ള, ജന. സെക്രട്ടറി ആഷ്ലി ജോര്ജ്, യുവര് എഫ്.എം ഡയറക്ടര് കൈലാഷ്, വിധികര്ത്താക്കളായ പ്രാഫ. അലിയാര്, കുമാരി സുരഭി, കലാവിഭാഗം സെക്രട്ടറി മനോഹരന് പാവറട്ടി, സ്കൂള് ഓഫ് ഡ്രാമ കണ്വീനര് ശിവകുമാര് കൊല്ലരോത്ത്, യു.എ.ഇ എക്സ്ചേഞ്ച് കണ്ട്രി ഹെഡ് ദീപക് നായര് എന്നിവര് ചേര്ന്നാണ് പുരസ്കാരങ്ങള് പ്രഖ്യാപിച്ചത്.‘കടല്തീരത്ത്’ മികച്ച ജനപ്രിയ നാടകമായി.
മികച്ച നാടകത്തിനും ജനപ്രിയ നാടകത്തിനും 1000 ഡോളര് വീതം ക്യാഷ് അവാര്ഡും ട്രോഫിയും മികച്ച നടനും നടിക്കും സംവിധായകനും 500 ഡോളര് വീതം ക്യാഷ് അവാര്ഡും ട്രോഫിയും മികച്ച രണ്ടാമത്തെ നാടകത്തിനും നടനും നടിക്കും സംവിധായകനും രചനയ്ക്കും ട്രോഫികളും വിതരണം ചെയ്തു.
ചിട്ടയായ പരിശീലനവും സാങ്കേതികതയില് മികച്ച നിലവാരവും പുലര്ത്താനായാല് ബഹ്റൈന് കേരളീയ സമാജം സ്കൂള് ഓഫ് ഡ്രാമയുടെ ഫസ്റ്റ് ബെല് ജി.സി.സി റേഡിയോ നാടക മത്സരത്തില് അവതരിപ്പിക്കപ്പെട്ട ചില നാടകങ്ങള് ആകാശവാണി അവതരിപിച്ചു വരുന്ന റേഡിയോ നടകങ്ങളുടെ നിലവാരത്തിലേക്ക് ഉയരുമെന്ന് മുഖ്യ വിധി കര്ത്താവായ അലിയാര് അഭിപ്രായപ്പെട്ടു.
ഇതിനായി വരും വര്ഷങ്ങളില് കേരള സംഗീത നാടക അക്കാദമിയുടെയും തിരുവനന്തപുരം റേഡിയോ നിലയത്തിലെ വിദഗ്ധരുടെയും സഹകരണത്തിനായി ശ്രമിക്കുമെന്നും അദ്ദേഹം ഉറപ്പു നല്കി.
ഫസ്റ്റ് ബെല് സീസണ് മൂന്ന് റേഡിയോ നാടക മത്സര വിജയികള്- മികച്ച നാടകം: പരാദങ്ങള് (അവതരണം ഔ ക്ളിക്ക്സ്), രണ്ടാമത്തെ മികച്ച നാടകം: എന്തിഹ എന് മാനസേ (അവതരണം മുസിരിസ്), മികച്ച സംവിധായകന്: സജു മുകുന്ദ് ആന്ഡ് അനില് സോപാനം (നാടകം പരാദങ്ങള്), ജനപ്രിയ നാടകം: കടല് തീരത്ത് (രാധാകൃഷ്ണന് തെരുവത്ത്), രണ്ടാമത്തെ മികച്ച സംവിധായകന് രാധാകൃഷ്ണന് കൊടുങ്ങല്ലൂര് (നാടകം എന്തിഹ എന് മാനസേ),
മികച്ച നടന്: സജു മുകുന്ദ് (പരാദങ്ങള് ), രണ്ടാമത്തെ മികച്ച നടന്: ശിവകുമാര് കുളത്തൂപ്പുഴ (പാത്രകടന്നല്), മികച്ച നടി: സവിത പത്മനാഭന് (എന്തിഹ എന് മാനസേ), മികച്ച രണ്ടാമത്തെ നടി: ജയ ഉണ്ണികൃഷ്ണന് (നാടകം ചെമ്പന് പ്ളാവ്), പ്രത്യേക ജൂറി അവാര്ഡ്- മികച്ച രചന: രമേശ് കൈവേലി ( നാടകം പാത്രകടന്നല്)
Sunday, December 16, 2012
സമാജം സാഹിത്യ ക്യാമ്പിന് ഇന്ന് തുടക്കം
ബഹ്റൈന് കേരളീയ സമാജം മൂന്നാമത് ജി.സി.സി സാഹിത്യ ക്യാമ്പ് ഞായറാഴ്ച രാവിലെ 10ന് കേരള സാംസ്കാരിക മന്ത്രി കെ.സി. ജോസഫ് ഉദ്ഘാടനം ചെയ്യും. സമാജം പ്രസിഡന്റ് പി.വി. രാധാകൃഷ്ണപിള്ള അധ്യക്ഷത വഹിക്കും. ടി. പത്മനാഭന്, കെ. ജി. ശങ്കരപ്പിള്ള, ഡോ. കെ.എസ്. രവികുമാര്, പി.കെ. പാറക്കടവ്, പ്രൊഫ. അലിയാര്, ബെന്യാമിന് എന്നിവര് സംസാരിക്കും. കഥ, കവിത, നാടകം എന്നീ വിഷയങ്ങളില് സംവാദങ്ങളും പഠന ക്ളാസുകളുമുണ്ടാകും. വൈകീട്ട് നാലിന് സാംസ്കാരിക വകുപ്പു മന്ത്രി കെ. സി. ജോസഫുമായി നടക്കുന്ന മുഖാമുഖത്തില് പ്രവാസി സംഘടന പ്രതിനിധികളും സാമൂഹിക, സാംസ്കാരിക പ്രവര്ത്തകരും പങ്കെടുക്കും.
വൈകീട്ട് 6.30ന് ബഹ്റൈന് കേരളീയ സമാജം സാഹിത്യ പുരസ്ക്കാരം മന്ത്രി കെ.സി. ജോസഫ് ടി. പത്മനാഭന് സമ്മാനിക്കും. ചടങ്ങില് ഇന്ത്യന് അംബാസഡര് ഡോ. മോഹന്കുമാര് മുഖ്യാതിഥിയായിരിക്കും.
Friday, December 14, 2012
'സുല്ത്താന് വരകള്
വര കൊണ്ടും വരികള് കൊണ്ടും
വരികള്ക്കിടയിലെ വായന കൊണ്ടും
ബഹ്റൈന് മലയാളി സമൂഹത്തിന്
നവ്യാനുഭവം ഒരുക്കാന് തയാറായിക്കഴിഞ്ഞു
ബഹ്റൈന് കേരളീയ സമാജം ചിത്രകലാ ക്ലബ്ബും
സാഹിത്യ വിഭാഗവും...
ഡിസംബര് 16,17 തീയതികളില് അക്ഷരാര്ഥത്തില്
അക്ഷരമരമായി പൂത്തുലഞ്ഞു നില്ക്കുന്ന
ബഹ്റൈന് കേരളീയ സമാജത്തിന്റെ
തണലില് അക്ഷരം ശ്വസിച്ചും ചൊല്ലിയും
ചോരാതെ ഹൃദയത്തില് സൂക്ഷിച്ചും
മലയാളം സ്നേഹത്തിന്റെയും സംസ്കാരത്തിന്റെയും
ഭാഷയെന്ന് ഒരിക്കല് കൂടി തെളിയിക്കാനുള്ള
അവസരം നമുക്ക് നഷ്ട്ടപ്പെടുത്താതിരിക്കാം...
ലാളിത്യം കൊണ്ടും ഭ്രാന്തമായ ചിന്തയുടെ സൌന്ദര്യം
കൊണ്ടും മലയാളിയുടെ ഹൃദയത്തില്
'രക്ത നിറമുള്ള പുഷ്പ്പമായി' മരിക്കാതെ
തുടിക്കുന്ന ബേപ്പൂര് സുല്ത്താന്റെ കൃതികളെ
ആസ്പദമാക്കിയുള്ള 'സുല്ത്താന് വരകള്'
ആസ്വദിക്കുവാനും വര കൊണ്ടും വരി കൊണ്ടും
ആ ഉദ്യമത്തിന്റെ ഭാഗമായി തീരാനും മലയാളം
മരിക്കാത്ത ഹൃദയങ്ങളെ അക്ഷരമരത്തണലിലേക്ക്
സ്നേഹാദരങ്ങളോടെ സ്വാഗതം ചെയ്യുന്നു...
Monday, December 10, 2012
Hindustani music concert
Sunday, December 9, 2012
ബഹ്റൈന് കേരളീയ സമാജം സാഹിത്യ അവാര്ഡ് ടി. പത്മനാഭന്
ബഹ്റൈന് കേരളീയ സമാജത്തിന്െറ ഈ വര്ഷത്തെ സാഹിത്യ പുരസ്കാരം ടി. പത്മനാഭന്. 50001രൂപയും പ്രശസ്തി പത്രവും ഫലകവുമടങ്ങുന്ന പുരസ്കാരം ഈമാസം 16ന് വൈകീട്ട് ഏഴിന് സമാജം ഓഡിറ്റോറിയത്തില് നടക്കുന്ന ചടങ്ങില് മന്ത്രി കെ.സി. ജോസഫ് സമ്മാനിക്കുമെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു. ഡോ. കെ.എസ്. രവികുമാര്, ആര്കിടെക്ട് ജി. ശങ്കര്, പി.വി. രാധാകൃഷ്ണപിള്ള എന്നിവരടങ്ങിയ ജൂറിയാണ് പുരസ്കാര നിര്ണയം നടത്തിയത്. ഇന്ത്യന് അംബാസഡര് ഡോ. മോഹന്കുമാര്, കെ.ജി. ശങ്കരപ്പിള്ള, ഡോ. കെ.എസ്. രവികുമാര്, പി.കെ. പാറക്കടവ്, ബെന്യാമിന് തുടങ്ങിയവര് അവാര്ഡ് സമര്പ്പണ ചടങ്ങില് സംബന്ധിക്കും.
ആറ് പതിറ്റാണ്ടായി മലയാള ചെറുകഥയെ അനുപമ രചനകള്കൊണ്ട് സമ്പന്നമാക്കുന്ന ടി. പത്മനാഭന് ആ സാഹിത്യ രൂപത്തിന്െറ വളര്ച്ചക്കും അംഗീകാരത്തിനുമായി നടത്തിയ ആശയ സമരങ്ങളും സംവാദങ്ങളും മലയാള സാഹിത്യ ചരിത്രത്തിലെ ജ്വലിക്കുന്ന ഏടുകളാണെന്ന് ജൂറി വിലയിരുത്തി.
ഏകാകിയായ മനുഷ്യന്െറ ആകുലതകളും ആത്മ സംഘര്ഷങ്ങളും നിഷേധാത്മകമല്ലാത്ത ജീവിത ബോധത്തിന്െറ ആഖ്യാനങ്ങളാക്കി മാറ്റിയ ഹൃദയത്തോട് സംവദിക്കുന്ന കാവ്യാത്മകമായ രചനകളാണ് ടി. പത്മനാഭന്െറ ചെറുകഥകളെന്നും ജൂറി ചൂണ്ടിക്കാട്ടി. മുന് വര്ഷങ്ങളില് എം.ടി. വാസുദേവന് നായര്, എം. മുകുന്ദന്, ഒ.എന്.വി. കുറുപ്പ്, സുഗതകുമാരി, കെ.ടി. മുഹമ്മദ്, സി. രാധാകൃഷ്ണന്, കാക്കനാടന്, സുകുമാര് അഴീക്കോട്, സേതു എന്നിവര്ക്കാണ് കേരളീയ സമാജം സാഹിത്യ പുരസ്കാരം സമ്മാനിച്ചത്. കഴിഞ്ഞ വര്ഷം വരെ 25000 രൂപയായിരുന്ന അവാര്ഡ് തുക ഇത്തവണ ഇരട്ടിയാക്കുകയായിരുന്നു.
കേരളീയ സമാജത്തിന്െറ ഈവര്ഷത്തെ ജി.സി.സി സാഹിത്യ ശില്പശാല ഈമാസം 16, 17 തീയതികളില് നടക്കും. ഗള്ഫിലെ നൂറോളം കവികളും കഥാകൃത്തുക്കളും പങ്കെടുക്കുന്ന ശില്പശാലയില് കഥകളുടെയും കവിതകളുടെയും അവതരണവും വിലയിരുത്തിലുകളും നടക്കും. വാര്ത്താ സമ്മേളനത്തില് സമാജം പ്രസിഡന്റ് പി.വി. രാധാകൃഷ്ണപിള്ള, സെക്രട്ടറി ആഷ്ലി ജോര്ജ്, മുരളീധരന് തമ്പാന്, എ.സി.എ. ബക്കര് എന്നിവര് പങ്കെടുത്തു.
Tuesday, December 4, 2012
പ്രീയപ്പെട്ട കണ്ണേട്ടന്.....
കുറെയേറെ സ്നേഹബന്ധങ്ങള് മാത്രം സംബാധ്യമാക്കിയാണ് കണ്ണേട്ടന് ഇവിടം വിടുന്നത് ,പണത്തെക്കാള് മഹത്തരമാണ് സ്നേഹബന്ധങ്ങള് എന്ന് വിശ്വസിക്കുന്ന കണ്ണേട്ടന് അതുകൊണ്ടുതന്നെ നഷ്ട്ട ബോധമില്ല . ഒരു വയസുള്ള കുട്ടികള്
മുതല് സമ പ്രായക്കാര് വരെ തെന്നെ കണ്ണേട്ടന് എന്ന് വിളിക്കുമ്പോള് , മറ്റാര്ക്കും കിട്ടാത്ത ഈ ആദരവു മാത്രമാണ് മനസ്സില് സുക്ഷിക്കുന്നതെന്ന് കണ്ണേട്ടന് പറയുന്നു .. തിരുവനതപുരം മുതല് കാസര്കോട് വരെ നിരവധി സുഹൃത്ത്ത്ക്കളെ സംബാതിക്കാന് കഴിഞ്ഞിട്ടുള്ള മറ്റാരും തന്നെ വേറെയുണ്ടാവില്ല . കണ്ണേട്ടന് പോകുന്നതിലൂടെ നിസ്വര്ധനായ സാമുഹിക സാംസ്കാരിക പ്രവര്ത്തകനെയാണ് നമുക്ക് നഷ്ട്ടമാകുന്നത് .