Tuesday, October 30, 2012
ജാലകത്തിലേക്ക് സൃഷ്ടികള് ക്ഷണിക്കുന്നു
ബഹ്റൈന് കേരളീയ സമാജം മുഖ മാസികയായ ജാലകത്തിലേക്ക് സൃഷ്ടികള് ക്ഷണിക്കുന്നു. കഥ, കവിത, ലേഖനം തുടങ്ങീ വിഭാഗങ്ങളിലെ രചനകള് സമാജം ഓഫീസിലോ jalakam.bksbahrain@gmail.com എന്നീ ഇമെയില് വിലാസത്തിലോ അയച്ചു തരാവുന്നതാണ്. സൃഷ്ടികള് മൌലികമായിരിക്കണം. കൂടുതല് വിവരങ്ങള്ക്ക് സമാജം സാഹിത്യ വിഭാഗം സെക്രട്ടറി മുരളീധര് തമ്പാനെ (38381900) സമീപിക്കുക .
Thursday, October 25, 2012
അറിവിന്െറ ആദ്യാക്ഷരം കുറിച്ച് കുരുന്നുകളുടെ വിദ്യാരംഭം
മനാമ: അറിവിന്െറ ആദ്യാക്ഷരമാധുര്യം നുകര്ന്ന് നിരവധി കുഞ്ഞുങ്ങള് വിദ്യാരംഭം കുറിച്ചു. ബഹ്റൈന് കേരളീയ സമാജം, ശ്രീനാരായണ കള്ച്ചറല് സൊസൈറ്റി എന്നിവയുടെ ആഭിമുഖ്യത്തിലും അറാദ് ക്ഷേത്രത്തിലുമാണ് രാജ്യത്തെ പ്രധാന ചടങ്ങുകള് നടന്നത്.
ബഹ്റൈന് കേരളീയ സമാജത്തിന്െറ ആഭിമുഖ്യത്തിലുള്ള നവരാത്രി മഹോല്സവത്തിനും വിദ്യാരംഭത്തിനും വന് ഒരുക്കങ്ങളാണ് ബന്ധപ്പെട്ടവര് നടത്തിയത്. ചൊവ്വാഴ്ച മുതല് രണ്ടു ദിനം നീണ്ട വിപുലമായ പരിപാടികളാണ് ഇതിന്െറ ഭാഗമായി സംഘടിപ്പിച്ചത്. ചൊവ്വാഴ്ച വൈകിട്ട് മലയാളത്തിന്െറ പ്രിയ കവയത്രി സുഗതകുമാരി ടീച്ചര് നവരാത്രി മഹോല്സവത്തിന്െറ ഉദ്ഘാടന കര്മം നിര്വഹിച്ചു. തുടര്ന്ന് ‘നാദബ്രഹ്മം’ അവതരിപ്പിച്ച അര്ധശാസ്ത്രീയ സംഗീത പരിപാടിയായ ‘ഹൃദയാജ്ഞലി’ അരങ്ങേറി. ബുധനാഴ്ച പുലര്ച്ചെ അഞ്ചിന് വിദ്യാരംഭം കുറിച്ചു. മുന്കൂട്ടി രജിസ്റ്റര് ചെയ്ത നൂറിലധികം കുരുന്നുകള്ക്ക് സുഗതകുമാരി ടീച്ചര് ആദ്യാക്ഷരം കുറിച്ചു. രാത്രി എട്ടിന് സുഗതകുമാരി ടീച്ചര് കേരളീയ സമാജം ബാലകലോല്സവം ഔചാരികമായി ഉദ്ഘാടനം ചെയ്തു.
Wednesday, October 24, 2012
ബഹ്റൈന് കേരളീയ സമാജം മലയാള പാഠശാല..
സമാജം മലയാള പാഠശാല. അറുന്നൂരിലധികം കുട്ടികള് , നൂറോളം അധ്യാപകരും അനധ്യാപകരും ആയ സന്നദ്ധ പ്രവര്ത്തകര് - എല്ലാ തിങ്കള് ആഴ്ചയും മുടങ്ങാതെ ക്ലാസുകള് .കൃത്യ മായ സിലബസ്, ഇടവിട്ടുള്ള പരീക്ഷകള് . ഗൌരവ പൂര്ണമായ വാര്ഷിക പരീക്ഷ . അക്ഷര മുറ്റം പോലെ യുള്ള ഒട്ടനവധി അനുബന്ധ പരിപാടികള് , ക്യാമ്പുകള്, കലാ സാംസ്കാരിക സാഹിത്യ പ്രവര്ത്തനങ്ങളില് കുട്ടികളുടെ ബോധപൂര്വ മായ പങ്കാളിത്വം . കേരളത്തിലെ വിവിധ രംഗങ്ങളിലെ പ്രഗല്ഭരും ആയി ഇടപെടാനും സംവേദിക്കാനും കുട്ടികള്ക്ക് ഇടയ്ക്കിടെ അവസരങ്ങള്. സമാനതകള് ഇല്ലാത്ത പ്രവര്ത്തനം എന്ന് ഏത് ബഹ്റൈന് പ്രവാസി മലയാളിക്കും അഭിമാനിക്കാവുന്ന കേരളത്തിനു വെളിയിലെ ഏറ്റവും വലിയ അനൌപചാരിക വിദ്യാഭ്യാസ പ്രവര്ത്തനം
ബഹ്റൈന് കേരളീയ സമാജം മലയാള പാഠശാല..
മലയാള സാഹിത്യകാരന് , കവി, നാടകപ്രവര്ത്തകന് , സൈദ്ധന്തികന്തുടങ്ങിയ മേഘലകളില്
പ്രസിദ്ധനായ കാവാലം നാരായണ പണിക്കര് ബഹ്റൈന് കേരളിയ സമാജം മലയാള പാഠശാല
സന്ദര്ശിച്ചു
'ഭഗവദജ്ജുകം
ആധ്യാത്മികചിന്ത ഉള്ളില്നിറച്ച വിപ്ലവകാരിയും നാടിന്റെ തനതുപാരമ്പര്യത്തിന്റെ നന്മ മറക്കുന്ന യുവത്വവും നാടകത്തില് പ്രത്യക്ഷപ്പെടുന്നുണ്ട്.
രണ്ടുസഹസ്രാബ്ദംമുമ്പുള്ള ബോധായനന്റെ സംസ്കൃത പ്രഹസനമാണ് ഭഗവദജ്ജുകം. നിലപാടുകളില്ലാത്ത ആധുനികസമൂഹത്തിന്റെ ചെയ്തികളെ പുനരാഖ്യാനമായ ഈ ആക്ഷേപഹാസ്യനാടകം വിമര്ശന വിധേയമാക്കുന്നു.
ബഹറിന് കേരളീയ സമാജം ഡ്രാമാ ക്ലബ്ബാണ് നാടകം വേദിയില് അവതരിപ്പിക്കുന്നത്
ബഹ്റൈന് കേരളീയസമാജം ബാലകലോത്സവം
ബഹ്റൈന് കേരളീയസമാജം ബാലകലോത്സവതിന്നു ഇന്ന് തിരശ്ശീല ഉയരും
ഇന്ന് വൈകീട്ട് ഏഴര മണിക്ക് മലയാളത്തിന്റെ പ്രിയപ്പെട്ട കവയത്രി
ശ്രീമതി സുഗതകുമാരി ടീച്ചര് ഭദ്രദീപം തെളിയിച്ചു ഉദ്ഘാടനം നിര്വ്വഹിക്കും
എല്ലാ ബഹ്റൈന് മലയാളികളെയും ഈ ചടങ്ങിലേക്ക് സ്വാഗതം ചെയ്യുന്നു
Monday, October 22, 2012
പ്രകാശനം ചെയ്തു
ബഹ്റൈന് കേരളീയ സമാജം മുഖമാസികയായ ജാലകത്തിന്റെ പുതിയ ലക്കം പ്രസിഡന്റ് പി.വി. രാധാക്യഷ്ണപിള്ള ഫിനാന്സ് കമ്മിറ്റി അംഗം എം.പി. രഘൂവിന് കൈമാറി പ്രകാശനം ചെയ്തു. സമാജം സാഹിത്യവിഭാഗം സെക്രട്ടറി മുരളീധര് തമ്പാന്, എം.കെ. സിറാജുദ്ദീന് എന്നിവര് പ്രസംഗിച്ചു.
രണ്ടായിരത്തിലാണ് കേരളീയ സമാജം ജാലകം ആരംഭിച്ചത്. അടുത്ത ലക്കം ജാലകത്തിലേക്കുള്ള രചനകള് സമാജം ഓഫീസിലോ jalakam.bksbahrain@gmail.com എന്ന ഇ മെയിലിലോ അയക്കാവുന്നതാണ്. സമാജം അംഗങ്ങളല്ലാത്തവര്ക്കും രചനകള് അയക്കാമെന്ന് ഭാരവാഹികള് അറിയിച്ചു. മൌലികമായ രചനകളാണ് പരിഗണിക്കുക. വിവരങ്ങള്ക്ക്: മുരളീധര് തമ്പാന് (38381900).
Sunday, October 21, 2012
നവരാത്രി മഹോത്സവം
BKS നവരാത്രി മഹോൽസവം...!!
Oct.23 ചൊവ്വ 8.00pm - നവരാത്രി ആഘോഷം ഉത്ഘാടനം: കവയത്രി സുഗതകുമാരി തുടർന്ന് നാദബ്രഹ്മം മ്യൂസിക് ക്ലുബ്ബ് അവതരിപ്പിക്കുന്ന semi classical ganamela - "ഹ്രുദയാൻജ്ജലി".
Oct.24 ബുധൻ 5.00am - വിദ്യാരംഭം, ഗുരു:കവയത്രി സുഗതകുമാരി. വൈകീട്ട് 8 മണിക്ക് ബാലകലോൽസവം ഉത്ഘാടനം - കവയത്രി സുഗതകുമാരി
Oct.25 വ്യാഴം 8.00pm - "രാഗ പൗർണമി", Prof.Dr.Omanakkutty അവതരിപ്പിക്കുന്ന ശാസ്ത്രീയ സംഗീത കച്ചേരി.
ഏവരുടെയും സാന്നിധ്യം സാദരം ക്ഷണിക്കുന്നു.....!Saturday, October 20, 2012
മലയാളം പാഠശാല
വിജയദശമി,ബാലകലോത്സവം,ഇന്റര് നാഷണല് ബാറ്റ്മിന്ടണ് ടൂര്ണമെന്റ് തുടങ്ങിയ വളരെ പ്രധാനപ്പെട്ട കാരണങ്ങളാല് സമാജം മലയാളം പാഠശാലയുടെ അടുത്ത മൂന്ന് ആഴ്ചയിലെ ക്ലാസ്സുകള് [ഒക്ടോബര് 22,29,നവംബര് 5 ] മാറ്റിവെച്ചി രിക്കുന്ന വിവരം അറിയിക്കുന്നു.
നേരത്തെ അറിയിച്ചിരുന്നതുപോലെ പാഠശാലയുടെ ഈ അദ്ധ്യയന വര്ഷത്തെ അര്ദ്ധവാര്ഷികപരീക്ഷ നവംബര് 12 തിങ്കളാഴ്ച നടത്തുന്നതാണ്.
ഇതുവരെ പഠിപ്പിച്ച പാഠഭാഗങ്ങളില് നിന്നുള്ള ചോദ്യങ്ങളായിരിക്കും പരീക്ഷയില് ഉണ്ടായിരിക്കുക.
എല്ലാ രക്ഷാകര്ത്താക്കളുടെയും സഹകരണം അഭ്യര്ത്ഥിക്കുന്നു.
Saturday, October 13, 2012
മൂന്ന് പതിറ്റാണ്ടിന്െറ അനുഭവ സമ്പത്തുമായി ജാനകി ടീച്ചര് മലയാളം പാഠശാലയില്
മൂന്ന് പതിറ്റാണ്ട് കേരളത്തിലെ പാഠശാലയിലെ കുരുന്നുകള്ക്ക് അക്ഷരം പകര്ന്ന ജാനകി ടീച്ചര് ക്ളാസെടുക്കാന് എത്തിയപ്പോള് ബഹ്റൈന് കേരളീയ സമാജം മലയാളം പാഠശാലയിലെ വിദ്യാര്ഥികള്ക്ക് ആവേശമായി. താല്ക്കാലികമായെങ്കിലും തങ്ങള്ക്ക് കിട്ടിയ പുതിയ ടീച്ചറെ കുരുന്നുകള്ക്ക് നന്നേ ബോധിച്ചു. അതീവ താല്പര്യത്തോടെ അവര് ജാനകി ടീച്ചറുടെ ക്ളാസിന് കാതോര്ത്തു.
ഇത് കെ.പി. ജാനകി ടീച്ചര്. കോഴിക്കോട് ബാലുശ്ശേരി സബ് ജില്ലയിലെ എരമംഗലം എല്.പി സ്കൂളിലായിരുന്നു ടീച്ചറുടെ അധ്യാപനം. ഇവിടെ 25 വര്ഷത്തോളം അധ്യാപികയായും പിന്നീട് അഞ്ചു വര്ഷം പ്രധാനാധ്യാപികയായും സേവനമനുഷ്ഠിച്ച് നിരവധി ശിഷ്യഗണങ്ങളെ വാര്ത്തെടുത്ത അനുഭവ സമ്പത്തിനുടമയാണവര്. വിരമിച്ച ശേഷം വിശ്രമ ജീവിതം നയിക്കുന്ന ടീച്ചര് ഇന്ത്യന് സ്കൂള് അധ്യാപികയായ മകള് സീജ ദേവന്െറ കുടുബത്തിന്െറ കൂടെ കുറച്ചുനാള് ചെലവഴിക്കാനെത്തിയതായിരുന്നു. സീജ ദേവന് മലയാള പാഠശാലയിലെ അധ്യാപിക കൂടിയാണ്. പാഠശാല പ്രവര്ത്തകരുടെ താല്പര്യ പ്രകാരമാണ് നാലു ദിനം ജാനകി ടീച്ചര് പാഠശാലയില് ക്ളാസെടുക്കാനെത്തിയത്. ഗള്ഫിലെ വിദ്യാര്ഥികള്ക്ക് മലയാളം പഠിക്കാന് ഇത്രയും വ്യവസ്ഥാപിതമായ സംവിധാനം തന്നെ ആശ്ചര്യപ്പെടുത്തിയതായി ജാനകി ടീച്ചര് പറഞ്ഞു. ‘മലയാളം പഠിക്കാനുള്ള ബഹ്റൈനിലെ കുട്ടികളുടെയും രക്ഷിതാക്കളുടെയും താല്പര്യം ഏറെ സന്തോഷം പകരുന്നതാണ്. നാട്ടിലുള്ള കുട്ടികളേക്കാള് ഭാഷയോട് ഇവിടുത്തെ കുട്ടികള് താല്പര്യം കാണിക്കുന്നുണ്ട്’-ടീച്ചര് തന്െറ ക്ളാസ് അനുഭവം ‘ഗള്ഫ് മാധ്യമ’വുമായി പങ്കുവെച്ചു. ഇപ്പോള് ആറാം ക്ളാസ് വരെയാണ് പാഠശാലയിലുള്ളത്. കുട്ടികള്ക്ക് മലയാള വിജ്ഞാന ശാലയിലേക്ക് കടക്കാന് ഇത് മതിയാവില്ല. ഇനിയും മുകളിലോട്ടുള്ള ക്ളാസുകളെക്കുറിച്ച് ചിന്തിക്കണം. എന്നാലേ കുട്ടികള്ക്ക് പത്രം വായിക്കാനും മലയാള സാഹിത്യത്തെ പരിചയപ്പെടാനും സാധിക്കൂ. പത്ര പാരായണം കുട്ടികളെ ശീലിപ്പിക്കണമെന്നും ടീച്ചര് നിര്ദേശിച്ചു.
ആനന്ദ ബസാറും സ്നേഹവിരുന്നും
ബഹ്റൈന് കേരളീയ സമാജം ഈ മാസം 19, 20 തീയതികളില് ആനന്ദ ബസാറുംå സ്നേഹ വിരുന്നും നടത്തും. രാവിലെ 10 മുതല് രാത്രി 11 വരെ നടക്കുന്ന ആനന്ദ ബസാറില് കുടുംബസമേതം ആസ്വദിക്കാനും ആനന്ദിക്കാനും കഴിയുംവിധത്തിലുള്ള വിപുലമായ വിനോദ പരിപാടികളാണ് ആവിഷ്കരിച്ചിട്ടുള്ളത്. കേരളത്തിലെ വിവിധ പ്രദേശങ്ങളിലെ രുചി വൈവിധ്യങ്ങള് ആസ്വദിക്കുവാന് കഴിയുന്ന നിരവധി ഭക്ഷണ ശാലകള് ഇതോടൊപ്പമുണ്ടാകും. ഫാമിലി ഗെയിമുകള്, ഫാഷന് ഷോ, കലാപരിപാടികള്, കുട്ടികള്ക്കും വനികള്ക്കും പ്രത്യേകം പങ്കെടുക്കാവുന്ന ഗ്രൂപ്പ് ഗെയിമുകള്, തംബോല, സ്റ്റേജ് ഷോ തുടങ്ങിയവയുണ്ടാകും.
20 ന് നടക്കുന്ന സ്നേഹ വിരുന്നില് മുന് കൂട്ടി റജിസ്റ്റര് ചെയîുന്നവര്ക്കും ക്ഷണിക്കപ്പെട്ടവര്ക്കുമാണ് പങ്കടുക്കാന് അവസരം. ഹിന്ദുസ്ഥാനി സംഗീതം, ഗസല്, മെലഡി ഗാനങ്ങള് എന്നിവ ഉള്പ്പെടുത്തിയ സംഗീത സായാഹ്നവുമുണ്ടായിരിക്കും. രാജു കല്ലുംപുറം സ്നേഹ വിരുന്നിന്റെ കണ്വീനറായും എം.കെ. സിറാജുദ്ദീന് ആനന്ദ ബസാര് കണ്വീനറായുമുള്ള കമ്മിറ്റി പ്രവര്ത്തനങ്ങള്ക്ക് നേത്യത്വം നല്കുന്നു. വിവിധ സ്റ്റാളുകള്, ഭക്ഷണ ശാലകള് തുടങ്ങിയവ നടത്താന് ആഗ്രഹിക്കുന്ന വ്യക്തികള്, സംഘടനകള്, ഗ്രൂപ്പുകള് എന്നിവ സമാജം ഓഫീസുമായി ബന്ധപ്പെടണം.
